Летняя школа па вуснай гісторыі

2018-06-21

 Чэшская Асацыяцыя па міжнародных справах АМО у партнёрстве з Беларускім архівам вуснай гісторыі (МГА “Гісторыка”)  праводзіць сёлета міжнародную летнюю школу па вуснай гісторыі ва Ўкраіне.

Летняя школа арганізавана для педагогаў з Беларусі і Ўкраіны, пры ўдзеле лектараў з трох краін вышаградскай групы — Чэхіі, Славакіі і Польшчы.

Метад вуснай гісторыі дапамагае школьнікам усвядоміць гісторыю праз успаміны людзей,  і пры належнай працы настаўніка вядзе да развіцця крытычнага мыслення, разважанню над гістарычнымі фактамі, цікавасці да гісторыі сваёй сям'і, асяроддзя і грамадствы.

Ідэя дадзенай школы паўстала пры рэалізацыі доўгачасовага праекта АМО па вуснай гісторыі ва Ўкраіне (www.ustnayaistoriya.info). Мерапрыемства пройдзе ў ліпені ва ўкраінскіх Карпатах, у праграме будуць як лекцыі па тэорыі і прынцыпам рэалізацыі метаду, так і некалькі практычных трэнінгаў, накіраваных на навыкі напісання школьных праектаў, удасканаленне метадаў інтэрв'юявання, апрацоўку і архіваванне матэрыялаў, захаванне аўтарскіх правоў. Абмен досведам у вобласці вуснай гісторыі пройдзе таксама ў форме круглага стала ў завяршэнні летняй школы.

Удзельнікамі летняй школы з беларускага боку стануць педагогі-куратары конкурсных прац вучняў, якія перамаглі ў конкурсе “Па-за кадрам: ад гісторыі сямі да гісторыі супольнасці”, а таксама настаўнікі з ліку найбольш актыўных валанцёраў праекту Беларускі архіў вуснай гісторыі.


Анкета для ўдзельнікаў з Беларусі


Мерапрыемства адбудзецца пры падтрымцы Міжнароднага Вышаградскага фонду і Міністэрствы замежных спраў Каралеўства Нідэрландаў.

Партнёрамі летняй школы таксама выступілі: Ўкраінская асацыяцыя вуснай гісторыі, Універсітэт Каменскага ў Браціславе, Славацкая акадэмія навук і польскі Цэнтр «Памяць і будучыня».

Каментары да навіны: