Шаноўныя Сябры, на працягу чатырох месяцаў пасля абвяшчэння конкурсу “Памяць Народа” было атрымана 20 відэа-інтэрв’ю. Удзельнікі конкурсу знайшлі цікавых сведкаў часу, правялі вуснагістарычныя размовы ды запісалі відэа-інтэрв’ю ў разнастайных формах і падыходах. Большасць відэа-працаў аказаліся надзвычай змястоўнымі і пазнавальнымі.

16 траўня 2015 года ў ЕГУ у Вільні адбылася прэзентацыя Беларускага архіва вуснай гісторыі і конкурсу для студэнтаў "Чарнобыльская катастрофа і яе наступствы ў памяці жыхароў Беларусі".

 

 

 

Памяць Народа ажывае на нашых вачах! Больш трапнае акрэсленне цяжка падабраць. Дасланыя конкурсныя відэазапісы знаёмяць з цікавымі людзьмі, шчырымі сведкамі свайго часу, іх складаным і часам трагічным лёсам. Вядома, што лёс аднаго чалавека – лёс усёй Краіны!

Да 70-годдзя з Дня Перамогі БАВГ пачынае цыкл публікацый, прысвечаных тэме вайны, акупацыі, штодзённага жыцця падчас ваеннага ліхалецця, якія будуць заснаваны на ўспамінах сведак – людзей перажыўшых тыя страшныя часы нашай гісторыі.

19-21 красавіка ў дацкім горадзе Хельсінгёр прайшла штогадовая сустрэча чальцоў сеткі EUSTORY - міжнароднай арганізацыі, якая аб’ядноўвае арганізатараў конкурсаў для моладзі ў шматлікіх краінах Еўропы.  БАВГ ў якасці аднаго з удзельнікаў гэтай міжнароднай праграмы прадставіў сваю дзейнасць за мінулы год і планы на сёлета.