«Беларускі архіў вуснай гісторыі», МГА «Гісторыка» і ГА «Дыярыуш» запрашаюць вучняў старшых класаў сярэдніх школ і навучэнцаў сярэдніх спецыяльных навучальных устаноў да ўдзелу ў конкурсе «1939 год у памяці жыхароў Беларусі».

Тэрмін правядзення конкурсу – з 15 кастрычніка 2013 года па 15 мая 2014 года.

Сябры!

На нашым партале з'явіліся матэрыалы майскай экспедыцыі  БАВГ па зборы ўспамінаў сведак часу пра голад у БССР 1940-х гадоў.

29 кастрычніка 2013 г. адбылася прэзентацыя Беларускага архіва вуснай гісторыі для студэнтаў і выкладчыкаў Брэсцкага дзяржаўнага ўніверсітэта імя А.С. Пушкіна. Прадстаўнікі каманды праекта прадэманстравалі магчымасці архіўнага партала і распавялі пра асноўныя накірункі сваёй дзейнасці па папулярызацыі ў Беларусі вуснагістарычнага накірунка.

Шаноўныя сябры!

Запрашаем пазнаёміцца з новымі калекцыямі ўспамінаў беларускіх эмігрантаў у Аўстраліі і Вялікабрытаніі ад беларускага гісторыка Гардзіенка Наталлі, якія нядаўна з'явіліся на нашым партале.

 

19 кастрычніка 2013 года ў Кракаве ў межах V працоўнай сустрэчы Польскага таварыства вуснай гісторыі адбылася прэзентацыя праекта “Беларускі архіў вуснай гісторыі”. Таксама праект прадставілі падчас сустрэчы членаў Беларускага таварыства ў Кракаве.