22 жніўня Лятучы ўніверсітэт і Міжнародны кансорцыум «ЕўраБеларусь» ладзяць сустрэчу з чалавекам, які «ўвасабляе сабой польска-беларускае супрацоўніцтва ў сферы навукі і ў галіне дыпламатыі», прафесарам Эльжбетай Смулковай.

Сябры, англа-беларускае таварыства і Згуртаванне беларусаў у Вялікабрытаніі прымаюць заяўкі на ўдзел у навуковай канферэнцыі «Кастусь Каліноўскі ды нацыятворчы працэс у Беларусі», якая адбудзецца ў Лондане 28–29 сакавіка 2014г.    

Шаноўныя сябры!

Запрашаем настаўнікаў гісторыі да ўдзелу ў праекце “Даць гісторыі голас і твар:  Выкарыстанне інтэрв’ю са сведкамі часу на занятках па гісторыі Беларусі”, які праводзіцца інтэрнет-праектам “Беларускі архіў вуснай гісторыі” і Міжнародным грамадскім аб’яднаннем “Адукацыя без межаў” з верасня па лістапад 2013 года ў г. Мінску.

З 14 па 20 ліпеня 2013 г. Беларускім архівам вуснай гісторыі была арганізавана экспедыцыя «1939 год у памяці беларусаў». Сярод удзельнікаў былі выкладчыкі і супрацоўнікі навучальных і навуковых устаноў, грамадскія дзеячы, гісторыкі і аматары гісторыі. Навуковым кіраўніком экспедыцыі выступіў доктар гістарычных навук Алесь Смалянчук.

Мэтай экспедыцыі было сабраць успаміны ўздоўж цэнтральнай часткі былой савецка-польскай мяжы, каб з іх дапамогай выявіць уяўленні тагачасных жыхароў пра жыццё ў міжваеннай Польшчы і БССР; высветліць стаўленне людзей да пераменаў, што адбыліся з прыходам “першых Саветаў”.

Мы рады паведаміць, што на партале нашага праекта можна ўжо пазнаёміцца з новай рубрыкай «Гісторыя Мінска і яго ваколіц ў памяці сведак часу».

Там вы можаце знайсці як асноўную інфармацыю пра гісторыю шэрагу былых прадмесцяў і вёсак на ўскрайку Мінска, так і паслухаць урыўкі ўспамінаў відавочцаў, якія там пражывалі.