24 кастрычніка 2012 г. у Гродна адбылася Прэзентацыя інтэрнет-праекта “Беларускі архіў вуснай гісторыі”. Прысутнічалі прафесійныя гісторыкі, музейныя супрацоўнікі, аматары гісторыі і журналісты. Навуковы куратар праекта Алесь Смалянчук быў мадэратарам прэзентацыі.

Шаноўны аматар вуснай гісторыі!

Вам падабаецца збіраць успаміны сведак часу ці слухаць іх аповяды? Цікавы праект “Беларускі архіў вуснай гісторыі”? Хочаце дапамагчы яго развіццю?

Ласкава запрашаем на прэзентацыю інтэрнэт-праекта “Беларускі архіў вуснай гісторыі” (http://www.nashapamiac.org),першага беларускага он-лайн сховішча вусных успамінаў.

Мерапрыемства адбудзецца ў Горадні 24 кастрычніка ў 18.30 у (вул. Будзёнага, д. 48а, пакой 38).

З 31 ліпеня па 7 жніўня 2012 г. на тэрыторыі Лунінецкага і Столінскага раёнаў Брэсцкай вобласці і Жыткавіцкага раёна Гомельскай вобласці працавала экспедыцыя па зборы ўспамінаў сведак часу, арганізаваная ў межах праекта “Беларускі архіў вуснай гісторыі”(БАВГ). Удзельнікамі экспедыцыі сталі студэнты і выкладчыкі ВНУ, якія прадстаўлялі розныя гарады Беларусі.
7-13 ліпеня адбылася экспедыцыя па зборы ўспамінаў, арганізаваная ў межах праекта “Беларускі архіў вуснай гісторыі” пад кіраўніцтвам вядомейшага спецыяліста ў галіне oral history у Беларусі Ірыны Раманавай. Рэгіёнам даследавання на гэты раз стала азёрная Лепельшчына — “край жоўтых гарлачыкаў і сівых валуноў”, як называюць яе з любоўю мясцовыя краязнаўцы.